Налівайчанка: Затрыманыя двое расейцаў, якія, магчыма, збілі малайзійскі самалёт
Кіраўнік Службы бясьпекі Ўкраіны Валянцін Налівайчанка заявіў, што малайзійскі пасажырскі самалёт быў зьбіты баевікамі ДНР з зэнітна-ракетнай устаноўкі «Бук-5М». Пра гэта ён сказаў сёньня на брыфінгу, паведамляе LB.UA.
Паводле ягоных слоў, зэнітна-ракетны комплекс тэрарыстам паставіла Расея.
«14 ліпеня зьявілася першае паведамленьне, што ў тэрарыстаў ёсьць «Бук», але пацьверджаньня не было. 17 ліпеня, у дзень трагедыі, перадалі баевікам «Бук-5М» з экіпажам, пераправілі каля Сухадольску з Расеі», — адзначыў Налівайчанка.
У той жа дзень тэрарыстам пераправілі з Расеі тры самаходныя артылерыйскія ўстаноўкі «Гвоздика».
Налівайчанка паведаміў пра затрыманьне памежнікамі і СБУ двух грамадзянаў РФ на мяжы ў Данецкай вобласьці.
«Абодва з расейскімі пашпартамі, адзін нават з ваенным білетам, дзе пазначана «карэкціроўшчык агню»», — адзначыў ён.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары