Тэрарысты «Данецкай народнай рэспублікі» пачалі вываз абломкаў збітага самалёта Boeing-777 ў невядомым кірунку.
Пра гэта на сваёй старонцы ў Facebook (каля 11.15) паведаміў дарадца старшыні Данецкай абласной дзяржаўнай адміністрацыі Канстанцін Батозскі.
«Раніцай баевікі падагналі да месца падзення малазійскага лайнера цяжкія краны і грузавікі і прыступілі да эвакуацыі абломкаў самалёта ў невядомым кірунку», — напісаў ён.
Таксама Батозскі паведаміў: «За ноч тэрарысты перавезлі з месца катастрофы 37 целаў загінуўшых у Данецкае абласное бюро судова-медыцынскай экспертызы (праспект Ільіча, 14, тэрыторыя шпіталя Калініна). Урачы працуюць пад кантролем ўзброеных людзей у масках, ачапілі будынак».
«Я не ведаю, як класіфікаваць гэтыя дзеянні. Я не ведаю, ці ёсць у КК артыкул за крадзеж рэшткаў чалавечых целаў. Я не ведаю, ці ёсць у тэрарыстаў хоць доля розуму, спагады і чалавечнасці. Прашу ўсіх па магчымасці перашкодзіць гэтаму злачынству», — напісаў дарадца губернатара.
У Лагойску пекар адмаўляецца прадаваць свой хлеб пакупнікам, у якіх ёсць сабакі82
Каментары