Terarysty «Danieckaj narodnaj respubliki» pačali vyvaz abłomkaŭ źbitaha samalota Boeing-777 ŭ nieviadomym kirunku.
Pra heta na svajoj staroncy ŭ Facebook (kala 11.15) paviedamiŭ daradca staršyni Danieckaj abłasnoj dziaržaŭnaj administracyi Kanstancin Batozski.
«Ranicaj bajeviki padahnali da miesca padzieńnia małazijskaha łajniera ciažkija krany i hruzaviki i prystupili da evakuacyi abłomkaŭ samalota ŭ nieviadomym kirunku», — napisaŭ jon.
Taksama Batozski paviedamiŭ: «Za noč terarysty pieravieźli ź miesca katastrofy 37 ciełaŭ zahinuŭšych u Danieckaje abłasnoje biuro sudova-miedycynskaj ekśpiertyzy (praśpiekt Iljiča, 14, terytoryja špitala Kalinina). Uračy pracujuć pad kantrolem ŭzbrojenych ludziej u maskach, ačapili budynak».
«Ja nie viedaju, jak kłasifikavać hetyja dziejańni. Ja nie viedaju, ci jość u KK artykuł za kradziež reštkaŭ čałaviečych ciełaŭ. Ja nie viedaju, ci jość u terarystaŭ choć dola rozumu, spahady i čałaviečnaści. Prašu ŭsich pa mahčymaści pieraškodzić hetamu złačynstvu», — napisaŭ daradca hubiernatara.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary