Уначы ў сталіцы прайшоў дождж, але вось раніцай з захаду на сталіцу прыйшоў вялікі навальнічны фронт з моцнай залевай.
Пад 10:00 сітуацыя ў горадзе нармалізавалася, транспарт аднавіў працу.
Што было раніцай:
«Няміга плыве, на перакрыжаванні каля КЗ «Мінск» — таксама мора, паведамлялі жыхары сталіцы ў сацыяльных сетках. «На Трасцянецкай лужына такая, што машыны разварочваюцца і не рызыкуюць праходзіць».
На перасячэнні вул. Розы Люксембург з пр-там Дзяржынскага, пад мостам затопы, ДАІ ўсіх павяртае. Праблемы з рухам транспарту на Партызанскім праспекце, піша Tut.by
«Сітуацыя блізкая да крытычнай ў Партызанскім раёне. Стаяць тралейбусы на скрыжаванні вуліцы Кашавога з Партызанскім праспектам, у раёне велазавода і на вуліцы Валадзько таксама абцяжараны рух з-за таго, што праезная частка заліта вадой. Лепш аб'язджаць вуліцу Клумава, скрыжаванне Даўгабродскай і Кашавога». Чытачы паведамляюць. што заліло Зялёны Луг, вялікі затор на праспекце Дзяржынскага, у бок Нямігі транспарт проста не ідзе. На вуліцы Панамарэнкі сталі тралейбусы.
МНС зараз папярэджвае, што спазненне на працу і заторы — гэта дробязі, калі нехта трапіў у бяду набірайце адразу 101 ці 112.
У фэйсбуку карыстальнікі пісалі, што яны ўжо проста плаваюць у сваіх машынах. «М2 траса таксама плыве сваёй ракой, ваенная акадэмія плавае ў адной вялікай лужыне, будзьце асцярожныя!», — паведамляюць у твітары Tut.by.
Твітар МНС паведамляе, што ратавальнікі на Русіянава сёння эвакуявалі 12 пасажыраў тралейбуса (глыбіня 30—40 см).
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?9
Каментары