Unačy ŭ stalicy prajšoŭ doždž, ale voś ranicaj z zachadu na stalicu pryjšoŭ vialiki navalničny front z mocnaj zalevaj.
Pad 10:00 situacyja ŭ horadzie narmalizavałasia, transpart adnaviŭ pracu.
Što było ranicaj:
«Niamiha płyvie, na pierakryžavańni kala KZ «Minsk» — taksama mora, paviedamlali žychary stalicy ŭ sacyjalnych sietkach. «Na Traścianieckaj łužyna takaja, što mašyny razvaročvajucca i nie ryzykujuć prachodzić».
Na pierasiačeńni vuł. Rozy Luksiemburh z pr-tam Dziaržynskaha, pad mostam zatopy, DAI ŭsich paviartaje. Prablemy z rucham transpartu na Partyzanskim praśpiekcie, piša Tut.by
«Situacyja blizkaja da krytyčnaj ŭ Partyzanskim rajonie. Stajać tralejbusy na skryžavańni vulicy Kašavoha z Partyzanskim praśpiektam, u rajonie viełazavoda i na vulicy Vaładźko taksama abciažarany ruch z-za taho, što prajeznaja častka zalita vadoj. Lepš abjazdžać vulicu Kłumava, skryžavańnie Daŭhabrodskaj i Kašavoha». Čytačy paviedamlajuć. što zaliło Zialony Łuh, vialiki zator na praśpiekcie Dziaržynskaha, u bok Niamihi transpart prosta nie idzie. Na vulicy Panamarenki stali tralejbusy.
MNS zaraz papiaredžvaje, što spaźnieńnie na pracu i zatory — heta drobiazi, kali niechta trapiŭ u biadu nabirajcie adrazu 101 ci 112.
U fejsbuku karystalniki pisali, što jany ŭžo prosta płavajuć u svaich mašynach. «M2 trasa taksama płyvie svajoj rakoj, vajennaja akademija płavaje ŭ adnoj vialikaj łužynie, budźcie aściarožnyja!», — paviedamlajuć u tvitary Tut.by.
Tvitar MNS paviedamlaje, što ratavalniki na Rusijanava siońnia evakujavali 12 pasažyraŭ tralejbusa (hłybinia 30—40 sm).
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary