Беларусь плануе да канца года павялічыць на 38% пастаўкі ў Расію малочнай прадукцыі, а мясной — прыкладна на 30%. Аб гэтым сёння журналістам паведаміў намеснік міністра сельскай гаспадаркі і харчавання Васіль Седзін.
Беларусь і Расія штогод падпісваюць прагнозныя балансы ўзаемных паставак цукру, малочных і мясных прадуктаў. Але ў сувязі з расійскім эмбарга на некаторыя групы тавараў з шэрага еўрапейскіх краін Беларусь будзе павялічваць экспарт. «Па малочнай прадукцыі плануем поставить 138% да ўзроўню мінулага года ў перыяд са жніўня па снежань, па мясе прыкладна 130% за той жа перыяд», — удакладніў Васіль Седзін.
Усяго ў мінулым годзе Беларусь экспартавала сельгаспрадукцыі прыкладна на $5,6 млрд. У бягучым годзе плануецца рэалізаваць прадукцыі на экспарт на суму да $6 млрд у больш як 10 краін свету.
Сёння Беларусь экспартуе звыш 50% вырабленай малочнай прадукцыі, больш як 30% — мясной. «У нас ёсць усе магчымасці для таго, каб нарошчваць экспарт. І мы гэта робім», — падкрэсліў намеснік міністра.
Цяпер чытаюць
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна10
Каментары