Прэзідэнт Ліберыі Элен Джонсан-Серліф звярнулася да сусветнай супольнасці з заклікам узмацніць дапамогу краінам, якія ахапіла эпідэмія смяротна небяспечнай ліхаманкі Эбола, паведамляюць інфармагенцтвы.
Нягледзячы на ўсе намаганні спецыялістаў і супрацьэпідэмічныя мерапрыемствы, вірус Эболы імкліва пашыраецца ў краінах Заходняй Афрыкі. Прэзыдэнт Ліберыі лічыць, што час разваг і тэорый ў барацьбе з ім прайшоў і толькі кансалідацыя намаганняў сусветнай супольнасці можа адыграць вялікую ролю ў прадухіленні распаўсюду смяротнага захворвання.
«Барацьба з вірусам патрабуе ад кожнай дзяржавы, якая валодае магчымасцямі аказання дапамогі, прыняць на сябе абавязкі - ці яны тычацца экстраных фондаў, ці медыцынскага забеспячэння або клінічных даследаванняў», - гаворыцца ў адкрытым лісце прэзідэнта Ліберыі, апублікаваным медыякарпарацыяй ВВС.
Раней да сусветнай супольнасці з заклікам уключыцца ў барацьбу з вірусам Эбола звярнуўся прэзідэнт ЗША Барак Абама. Генеральны сакратар ААН Пан Гі Мун не раз выказваў занепакоенасць імклівым пашырэннем віруса Эбола ў краінах Заходняй Афрыкі, а таксама заклікаў дзяржавы планеты даць $ 1 млрд. на барацьбу са страшным захворваннем.
Ўспышка віруса Эбола была зафіксавана ў Гвінеі ў лютым гэтага года. Хвароба пашырылася на Сьера-Леонэ, Ліберыя, Нігерыю, Конга і Сенегал. Выпадкі захворвання зафіксаваныя ў Еўропе і ЗША. Ад Эболы ўжо памерлі больш за 4,5 тыс. чалавек, а носьбітамі віруса з'яўляюцца амаль удвая большая колькасць людзей.
Каментары