У інтэрнэце з'явіўся відэазварот людзей, якія назвалі сябе партызанамі Данбаса, да адной з расейскіх узброеных груповак, якая цяпер ваюе супраць Украіны.
У роліку ўзброеныя людзі без палітычнай сімволікі заяўляюць, што ім абрыдла палітычнае бязладдзе на Данбасе ў раёнах, якія кантралююць прарасейскія баявікі, у прыватнасці — казакі.
«Мы хацелі б звярнуцца непасрэдна да нашых дарагіх козаў, згубленых, якія трохі згубіліся ад свайго статку. Як яны кажуць, «данскія казакі», і іхная галоўная каза — гэты Казіцын. Паважаныя козы, мы вельмі б вас папрасілі, згубіцеся з нашай зямлі», — гаворыцца ў звароце.
Атаман Казіцын, які ўзгадваецца ў роліку, узначальвае расейскі Саюз казакоў Вобласці Войска Данскога з 1993 года, ваяваў у Прыднестроўі, з вясны 2014 года ўдзельнічае ў канфлікце на ўсходзе Украіны. Паведамлялася, што ягоныя казакі кантралююць тэрыторыі ў раёне горада Антрацыт.
«Мы — народ Данбаса, ад якога вы цяпер трымаеце сваё слова. Нам ужо гэтыя качэлі палітычныя вось дзе сядзяць. Вы рабуеце, вы забіваеце, гвалтуеце нашых жанчын, і мы аб'яўляем вам вайну да поўнага вашага знішчэння», — кажа ў роліку чалавек, узброены аўтаматам.
У той ж час «партызаны» не заявілі і пра падтрымку ўкраінскай улады.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары