BMW навучыць машыны запраўляцца ад святлафораў
Інжынеры BMW рыхтуюць гаджэт, які можа стаць сапраўдным тэхналагічным прарывам у справе распаўсюду электрамабіляў.
Размова ідзе пра кампактную зарадную прыладу, якая будзе ўсталёўвацца на гарадскія святлафоры. Першыя эксперыментальныя ўстаноўкі з’явяцца ў Мюнхене ўжо ў наступным годзе.
Член рады дырэктараў BMW Петэр Шварцэнбаўэр сказаў: «Як мы хочам бачыць болей электрамабіляў на дарогах у бліжэйшыя гады, зручная сістэма зарадных станцый з’яўляецца неабходнай умовай». Вядома, кампанія, што выпусціла на рынак электрычны і3 і плагін-гібрыдны і8, вельмі зацікаўлена ў зручнасці для сваіх кліентаў; тым не менш, «святлафорныя» электраАЗС будуць падыходзіць для любога электрамабіля незалежна ад яго маркі.
Мяркуецца, што за спажытую энергію ўладальнікі машын змогуць плаціць праз СМС, а для пошуку бліжэйшай зарадкі можна будзе выкарыстоўваць мабільнае прыкладанне. Ідэя BMW падаецца вельмі зразумелай: сапраўды, святлафоры ёсць на любой вуліцы, да таго ж да іх ужо падведзена электрычнасць. Дадаць зарадны кабель і прадугледзець побач адно-два парковачныя месцы танней, чымся будаваць запраўкаў з нуля.
Аднак дадамо, што долю рынку электрамабіляў пакуль застаецца нязначнай. Па словах дырэктара па даследваннях Navigant Research Джона Гартнера, продажы электрамабіляў і гібрыдаў дасягнуць да 2020 году 3,3 млн. штук на год, аднак гэта будзе толькі 3,3% ад сусветнага рынку аўтапрама.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары