Яйкі супраць грошай: сайт 1863x.com параўнаў Шаблінскага з Зісерам і Блішчом. За Ахлабысціна
Сайт 1863x.com раскрытыкаваў тлумачэнне Уладзімірам Шаблінскім арганізацыі ў Беларусі творчых вечароў расійскага акцёра-шавініста Івана Ахлабысціна неабходнасцю выканання раней узятых забавязанняў.
Шаблінскі, нагадаем, расказаў, што кантракт на арганізацыю гэтага і папярэдніх выступаў Ахлабысціна быў падпісаны даўно, калі «не было ні вайны паміж Украінай і Расіяй, ні грамадзянін Ахлабысцін не быў заўважаны ў напісанні рэзкіх тэкстаў ва ўласных акаўнтах. Разрываць кантракт на падставе таго, што выканаўца напісаў нешта, магчыма, неразумнае ў сябе ў твітары — не падстава».
«Нармальнай рэакцыяй на такія паводзіны Шаблінскага быў бы байкот яго мерапрыемстваў, — піша 1863x.com. — На жаль, Уладзімір, дэмакратыя, за якую вы так выступаеце (даючы магчымасць выступаць Ахлабысціну), мае на ўвазе сумленную рынкавую эканоміку. У нармальнай краіне я змог бы спакойна адмовіцца ад вашых паслуг, і наведваць канцэрты іншых арганізатараў. Але ў Беларусі вы з'яўляецеся ледзь не адзінай прыемнай аддушынай са сваімі мерапрыемствамі і фестывалямі.
Дэмакратыя не вартая і выедзенага яйка, калі за яе не плацяць ахвярамі. Свабода заўсёды забяспечваецца працай, потым і крывёю з боку грамадзянскай супольнасці.
Калі вы не гатовыя скасаваць кантракт з Ахлабысціным і страціць грошы, тады не ныйце, калі ў вас забяруць бізнес або будуць патрабаваць хабару. Або калі расійскія войскі зоймуць ваш хутар у якасці агнявой пазіцыі праз пару гадоў.
Не варта маскіраваць нежаданне трываць страты з фантомнай «прынцыповасцю» у дадзеным выпадку», — піша аўтар.
Пазіцыя Шаблінскага ў артыкуле параўноўваецца з пазіцыяй Юрыя Зісера і Дзяніса Блішча, якія вызначаюць пазіцыі папулярных парталаў Tut.by і Onliner.by.
Аўтар крытыкі ананімны.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары