Расійскі рубель і акцыі імкліва вечарам падаюць, нафта Brent знізілася ўжо на 9%
Нафтавыя каціроўкі абваліліся да 4-летніх мінімумаў: кошт барэля нафты маркі Brent ўпаў амаль на 9% - да $71,3, WTI - ніжэй за $70 упершыню з лета 2010 года.
Індэкс ММВБ да канца дня знізіўся на 0,37% да 1531,69 пункта, індэкс РТС упаў на 2,06% да 1006,43 пункта, ледзь раней апусціўшыся да адзнакі 1000 пунктаў упершыню з 14 лістапада.
Курс рубля таксама рэзка ўпаў. Так, даляр і еўра абнавілі гістарычныя максімумы: даляр узляцеў на 1,26 рубля адносна папярэдняга закрыцця да адзнакі 48,65 рубля, еўра — на 1,45 рубля да адзнакі 60,66 рубля.
«Рашэнне АПЕК не зніжаць здабычу нафты пагражае курсу рубля, — лічыць галоўны эканаміст «Рэнесанс Капітал» Алег Кузьмін. — У бліжэйшыя месяцы мы працягнем назіраць вялікую валацільнасць расійскай валюты. Валацільнасць будзе звязана і з тым, што на канец снежня прыпадае пік выплат знешніх даўгоў — каля $19 млрд», — адзначыў эксперт. Паводле прагнозаў «Рэнесанс Капітал» пасля сённяшняга рашэння АПЕК
каціроўкі Brent могуць знізіцца прыкладна на 10$ з бягучых узроўняў.
«У бліжэйшыя месяцы рубель будзе пад ціскам, - упэўнены галоўны эканаміст расійскага Deutsche bank Яраслаў Лісаволік. - Паколькі ўзровень супраціву ў 48,5 рубля за даляр, апынуўся прабітым, можна чакаць далейшага паслаблення рубля».
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары