Лукашэнка падпісаў указ аб прызыве грамадзян на тэрміновую ваенную службу
У адпаведнасці з указам Аляксандра Лукашэнкі № 14 ад 14 студзеня ў Беларусі пачынаецца чарговая кампанія па прызыве грамадзян на тэрміновую вайсковую службу і службу ў рэзерве.
Згодна з указам, на тэрміновую службу і службу ў рэзерве ў лютым—маі будуць прызваныя грамадзяне мужчынскага полу, якім да дня прызыву споўнілася 18 гадоў і якія не маюць права на адтэрміноўку ад прызыву, а таксама грамадзяне прызыўнога ўзросту, якія страцілі права на адтэрміноўку. Маладое папаўненне павінна быць накіравана на ўкамплектаванне злучэнняў і часцей Узброеных сіл, іншых войскаў і воінскіх фарміраванняў да 1 чэрвеня.
Пастанаўляецца, што пацярпелыя ад наступстваў катастрофы на Чарнобыльскай АЭС грамадзяне, прызваныя на тэрміновую вайсковую службу, накіроўваюцца ў воінскія часці і фарміраванні, якія не знаходзяцца на радыеактыўна забруджаных тэрыторыях, і прызначаюцца на воінскія пасады, не звязаныя з работамі па эксплуатацыі крыніц іанізуючага выпраменьвання, звышвысокіх частот і работамі з кампанентамі ракетнага паліва.
Інфармацыя аб выніках прызыўной кампаніі павінна быць прадстаўлена ўрадам кіраўніку дзяржавы да 20 ліпеня.
Указ уступае ў сілу пасля афіцыйнага апублікавання.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары