Традыцыйна Каляндар зьмяшчае акрамя падрабязных богаслужбовых камэнтараў трапары, кандакі і задастойнікі двунадзесятым святам у перакладзе на беларускую мову, а таксама трапары і кандакі святым зямлі Беларускай на царкоўнаславянскай і беларускай мовах.
Традыцыйна Каляндар змяшчае акрамя падрабязных богаслужбовых каментарыяў трапары, кандакі і задастойнікі двунадзесятым святам у перакладзе на беларускую мову, а таксама трапары і кандакі святым зямлі Беларускай на царкоўнаславянскай і беларускай мовах. Імёны беларускіх святых у Календары выдзелены тлустым шрыфтам, паколькі паводле рашэння Сінода Беларускай Праваслаўнай Царквы ў дзень памяці ім належыць служыць усяночнае трыванне.
Адзін з тэматычных раздзелаў Календара прысвечаны 1015‑годдзю Праваслаўнай Царквы ў Беларусі. Кароткі ілюстраваны нарыс знаёміць чытачоў з сучасным жыццём нашай Царквы праз разнастайныя напрамкі яе дзейнасці.
13/26 лютага 2008 года спаўняецца 400 гадоў памяці дабравернага князя Канстанціна (у Хрышчэнні Васілія) Астрожскага — слыннага асветніка і абаронца Праваслаўя. У дадатковым раздзеле Календара акрамя матэрыялаў, прысвечаных жыццю і дзейнасці князя Канстанціна, друкуецца ў перакладзе на сучасную беларускую мову яго Пасланне да праваслаўных жыхароў Вялікага княства Літоўскага з палымяным заклікам цвёрда стаяць у Святой Праваслаўнай веры і не спакусіцца згубнымі прынадамі свету гэтага. Словы дабравернага князя звернуты і да нас, якія пакліканы захаваць неацэнны скарб веры і перадаць яго нашчадкам з роду ў род.
***
Набыць Каляндар можна ў кніжнай лаўцы Свята‑Петра‑Паўлаўскага сабора па адрасе: 222004 г. Мінск, вул. Ракаўская, 4, або ў Брацтве (тэл. у Мінску 226‑98‑15).
Цяпер чытаюць
Былы муж блогеркі, якая разам з 17‑гадовым жаніхом шыкавала на сабранае для хворага дзіцяці, раскрытыкаваў тых, хто гэтыя грошы ёй пераводзіў12
Каментары