У Расіі супраць Зяленскага і Рогаўцавай распачалі крымінальную справу за «фінансаванне карнікаў»
У Расіі супраць ўкраінскай актрысы тэатра і кіно, народнай артысткі СССР, Героя Украіны Ады Рогаўцавай і ўкраінскага шоўмена, акцёра, мастацкага кіраўніка студыі «Квартал-95» Уладзіміра Зяленскага завялі крымінальную справу.
У няміласці апынуўся і артыст цырка «Cirque du Soleil» Віктар Кі (Кікцеў).
Падставай для адкрыцця справы стала тое, што яны, зарабляючы ў РФ, пералічвалі свае ганарары на патрэбы ўкраінскіх вайскоўцаў у зоне АТА.
Дэпутат Савета дэпутатаў раёна Якіманка горада Масквы Дзмітрый Захараў звярнуўся ў Следчы камітэт РФ з просьбай правесці праверку ў дачыненні да Уладзіміра Зяленскага, Ады Рогаўцавай, фільмы з удзелам якіх ідуць у расійскім пракаце, а таксама Віктара Кі. А ў выпадку «пацверджання датычнасьці дадзеных асоб да фінансавання карных батальёнаў радыкальных нацыяналістаў, якія выкарыстоўваюць забароненыя метады вядзення вайны на Паўднёвым Усходзе Украіны», — прыняць адпаведныя меры.
Паводле падлікаў Захарава, Уладзімір Зяленскі ахвяраваў ўкраінскай арміі 1 млн. грн., Ада Рогаўцава — 52 тыс. грн., Віктар Кі — $60 тыс.
Следчы камітэт задаволіў просьбу дэпутата. Яго матэрыялы будуць далучаныя да распачатай справы па артыкуле 356 Крымінальнага кодэкса РФ па факце прымянення ваеннаслужачымі УСУ, а таксама прадстаўнікамі Нацгвардии Украіны і ўдзельнікамі «Правага сектара» «забароненых сродкаў вядзення вайны на тэрыторыях ЛНР і ДНР».
Выданне «Обозреватель» звязалася з прэс-службай «Квартал 95», аднак там заявілі, што не каментуюць гэтую навіну.
Вядома, што Зяленскі адмовіўся прыехаць у Расію на прэм'еру фільма «8 новых спатканняў», які з вялікім поспехам ідзе ў пракаце. Таксама шоўмэн разам з калегамі са студыі «Квартал 95» некалькі разоў ездзіў выступаць у зону АТА, каб падтрымаць маральны дух ўкраінскіх байцоў.
Падчас Еўрамайдану Ада Рогаўцава падтрымала пратэстоўцаў і выступіла на сцэне на Майдане Незалежнасці. А ўлетку 2014 яна сабрала 52 тысячы грн. на лячэнне параненых байцоў АТА.
Цяпер чытаюць
Стаў вядомы сэнс крымінальнай «справы страхаўшчыкоў»11
Каментары