Нямецкі штотыднёвы часопіс Der Spiegel апублікаваў інтэрв'ю карэспандэнта Беньяміна Бідэра з былым міністрам абароны самаабвешчанай «Данецкай народнай рэспублікі» Ігарам Стралковым. У гутарцы Стралкоў выказаў сваё меркаванне аб адносінах Расіі і Захаду, пра ўзброены канфлікт ва Украіне, аб гістарычна справядлівых расійскіх межах і аб забойстве палітыка Барыса Нямцова.
Адказваючы на пытанне журналіста пра тое, ці чакаў Стралкоў, што ўзброены канфлікт ва Украіне будзе такім крывавым і працяглым, ён сказаў, што не чакаў. Стралкоў думаў, што «Масква анексуе Данбас пасля рэферэндуму гэтак жа, як Крым». Паводле яго слоў, большасць сепаратыстаў натхніліся падзеямі ў Крыме і ваююць за аб'яднанне з Расеяй.
«Сепаратысты для мяне - украінскія палітыкі, бо яны хочуць аддзяліцца ад Расіі. Я застаюся прыхільнікам адзінай Расіі.
Кіеў — гэта рускі горад. Я хачу гістарычна справядлівага аднаўлення Расіі. Украіна была, ёсць і будзе часткай Расіі.
Я мару пра тое, што Расія вернецца ў свае натуральныя межы, як мінімум межы 1939 года», — падкрэсліў Стралкоў.
Каментары