Кітайская кампанія CITIC ConstructionCo. Ltd прадаставіць Украіне пазыку ў памеры $15 млрд на будаўніцтва даступнага жылля.
Мемарандум падпісалі ў чацвер у Кіеве упаўнаважаны кіраўніка Мінрэгіёна Украіны і ўпаўнаважаны CITIC ConstructionCo. Ltd, паведамілі ў Міністэрстве рэгіянальнага развіцця, будаўніцтва і ЖКГ.
Крэдыт даецца пад мінімальныя працэнты, тэрмінам на пятнаццаць гадоў з правам пралангацыі. У міністэрстве дадалі, што ва Украіне будзе рэалізаваны пілотны праект інвестыцыйным коштам да $1 млрд.
Кампанія CITIC будзе разглядацца як генеральны падрадчык — заказчык па рэалізацыі праектаў, Мінрэгіён будзе займацца падрыхтоўкай і рэалізацыяй праектаў.
Мемарандум прадугледжвае развіццё дзяржаўнай жыллёвай палітыкі, будаўніцтва даступнага жылля, фарміраванне фонду сацыяльнага жылля, разгортванне моладзевага жыллёвага будаўніцтва, крэдытаванне індывідуальных сельскіх забудоўшчыкаў, рэалізацыю інфраструктурных праектаў.
На сённяшні дзень у кватэрнай чарзе афіцыйна знаходзяцца больш за 800 тысяч украінскіх сем'яў. Для вырашэння гэтай праблемы цяперашнімі рынкавымі інструментамі дзяржаве трэба больш за 100 гадоў, канстатавалі ў Мінрэгіёне.
CITIC ConstructionCo. Ltd. — даччыная кампанія Кітайскай дзяржаўнай міжнароднай траставай інвестыцыйнай карпарацыі CITIC Limited. Кампанія мае паўнамоцтвы выконваць падрады на будаўнічыя праекты за межамі Кітая.
Цяпер чытаюць
Дзмітрыя Лукашэнкі не было з бацькам і братамі на адзначэнні 3 Ліпеня20
Каментары