У пятніцу 17 красавіка «Газета.Ru» апублікавала інтэрв'ю міністра абароны Грэцыі Панаса Каменаса, у якім ён называў урад Украіны «фашысцкім» і вінаваціў яго ў нападках на грэцкае насельніцтва ў Крыме.
«Так, сапраўды, грэцкае насельніцтва ў Крыме падвергнулася нападкам з боку фашысцкага ўрада Украіны, і абаронай для грэчаскіх сем'яў там стала прысутнасць расійскіх сіл», — цытавала выданне Каменаса.
На ўдакладняючае пытанне, ці не занадта жорсткую характарыстыку ён дае ўраду Украіны, Каменас нібыта адказаў: «Я ўчора абмяркоўваў гэтае пытанне з патрыярхам Кірылам — у нас агульная Царква, мы верым у адны і тыя ж каштоўнасці, і проста немагчыма было не абараніць грэкаў ад фашысцкага ўрада Украіны».
МЗС Украіны звярнулася па тлумачэнні да пасольства Грэцыі ва Украіне, якое абвергла сказанае Каменасам: яго «заява» аказалася чарговым фэйкам расейскай прапаганды.
Пасол Грэцыі ва Украіне заявіў, што Каменас ніколі не казаў гэтых слоў, а Грэцыя ўсё так жа асуджае агрэсію Расеі на ўсходзе Украіны і не прызнае анэксію Крыма.
Такім чынам, паведамленая інфармацыя апынулася банальным «укідам» ад рэсурсу «Газета.ru».
-
У Іране ўзламалі спадарожнікавае вяшчанне дзяржаўных тэлеканалаў — Рэза Пехлеві заклікаў зрынуць рэжым аятол ВІДЭА
-
У Рызе выявілі групу расейскіх інфарматараў з ліку грамадзян Латвіі, два з іх паспелі з'ехаць у Беларусь
-
Трамп заявіў, што больш не абавязаны думаць пра мір, бо яму не ўручылі Нобелеўскую прэмію міру
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША36
Каментары