У Кішынёве дзясяткі тысяч людзей выйшлі на мітынг супраць кіруючай кааліцыі ФОТА
Дзясяткі тысяч людзей выйшлі на антыўрадавы пратэст, арганізаваны ў нядзелю, 3 траўня, у цэнтры Кішынёва Грамадзянскай платформай «Demnitate şi Adevăr».
Грамадзяне пратэстуюць супраць дзеяньняў кіруючай кааліцыі. Людзі незадаволеныя пагаршэннем эканамічнай і сацыяльнай сітуацыі.
Яны выступаюць супраць карупцыі, «мафіятызацыі і захопу ўсіх дзяржаўных структур злачыннымі кланамі».
Пратэстоўцы патрабуюць расследавання выведзеных з трох банкаў краіны $1 млрд і заклікаюць да адстаўкі кіраўнікоў генпракуратуры, цэнтра па барацьбе з карупцыяй, мытнай службы і яшчэ шэрагу ведамстваў.
Мітынгоўцы патрабуюць спынення нападаў на свабоду прэсы, шантажу і пагроз у адрас палітычных апанентаў.
Аналагічныя пратэсты былі абвешчаныя на 3 мая малдаванамі за мяжой у Францыі, Германіі, Італіі, Іспаніі, Грэцыі і інш.
«У нас няма іншых рычагоў уздзеяння, мы не можам прымяніць сілу, таму мы скарыстаемся цывілізаванымі метадамі, хоць наша ўлада іх не прызнае. Яны апаганілі ўсё: дэмакратыю, свабоду выказвання меркавання.
Гэта яшчэ адзін шанец спыніць трох злачынцаў ва ўладзе», — заяўляў напярэдадні член «DA», адвакат Андрэй Нэстасэ.
Кіруючую кааліцую ў малдаўскім парламенце узначальваюць Улад Філат — лідар Ліберал-дэмакратычнай партыі, Уладзімір Варонін — лідар партыі камуністаў, Уладзімір Плахатнюк — віцэ-старшыня Дэмакратычнай партыі.
Цяпер чытаюць
У Тайландзе знікла анліфаншчыца з Пінска. Яе маглі прадаць у М'янму5
Каментары