Аляксандр Лукашэнка расказаў, што праз лішнюю вагу яму давялося перагледзець свой рацыён і адмовіцца ад некаторых прадуктаў. Пра гэта ён паведаміў 20 студзеня падчас уручэння ўзнагарод Дзяржаўнага знака якасці.
Падчас наведвання выставы «Дасягненні суверэннай Беларусі» Лукашэнка спыніўся каля стэнда агракамбіната «Дзяржынскі», дзе паразмаўляў з кіраўніком прадпрыемства Уладзімірам Лук’янавым. У размове ён прызнаўся, што больш не ўжывае шакаладу.
Са слоў палітыка, калі ён убачыў у каталогу прадукцыю, у тым ліку шакалад «Алёнка», то захацеў пакаштаваць, але адмовіўся ад гэтай ідэі. Як кажа Лукашэнка, яго праціўнікі пастаянна звяртаюць увагу, што ён набраў вагу, таму ён цяпер імкнецца яе скінуць. Менавіта таму, з яго слоў, шакалад і рагачоўскую згушчонку ён выключыў з рацыёну. Замест усяго гэтага яму прывезлі з выставы індыка, якога ён і пакаштаваў днём.
Раней жа, як кажа Лукашэнка, ён часам дазваляў сабе з’есці нанач каўбасы:
«Часам грашыў увечары. Вазьму кавалак, адрэжу, з'ем без хлеба».
Але гэтыя грахі ўжо ў мінулым. Цяпер па вечарах Лукашэнка нібыта ўвогуле нічога не есць.
Лукашэнка расказаў, чаму не будзе плаціць Трампу мільярд за членства ў Радзе міру
Лукашэнка хуценька далучыўся да трампаўскай Рады міру
Лукашэнка, які не любіць гарачыні, сказаў, што батарэі ў кватэрах могуць грэць і менш
Лукашэнка: Еўропа зразумела, дзе іх шчасце
Лукашэнка пахваліў Трампа за прамалінейнасць, але дадаў, што для яго гэта непрымальна
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары