Агрэсія баевікоў на ўсходзе Украіны рэзка ўзрасла. Ёсць параненыя
Пачынаючы з 18.00 учорашняга вечара баевікі працягваюць абстрэльваць пазіцыі ўкраінскіх ваенных практычна з усёй наяўнай сваёй зброі, паведамляе прэс-цэнтр АТА.
На Луганскім кірунку баевікі выкарысталі танкі, артылерыю, мінамёты, гранатамёты, кулямёты, супрацьтанкавыя ракетныя комплексы, снайперскія вінтоўкі і стралковую зброю.
«У Крымскім ў выніку мінамётнага абстрэлу цяжкае раненне атрымаў 48-гадовы мірны жыхар. Ён знаходзіцца ў Лісічанскім шпіталі, пацярпеламу зроблена аперацыя», — заявіў кіраўнік Луганскай АДА Генадзь Маскаль.
«Аскепкавыя раненні атрымаў баец крайняга блокпаста. Пачынаючы з 20:00 да апоўначы блізкія баі вяліся ў ваколіцах Кацярынаўкі. Баевікі падышлі амаль ушчыльную да пазіцый ўкраінскіх ваенных і адкрылі агонь з гранатамётаў, мінамётаў і аўтаматычнай зброі», — паведаміў Маскаль. Паводле яго, жыхары некалькіх вуліц вёскі, прылеглых да блокпаста, амаль да раніцы хаваліся ў падвалах.
«Увечары баявое сутыкненне адбылося таксама ў Трохізбенцы — баевікі спачатку абстралялі нашых вайскоўцаў з мінамётаў, а затым з аўтаматычнай зброі. Ніхто з украінскіх вайскоўцаў не пацярпеў», — дадаў ён.
На працягу ночы вяліся абстрэлы Станіцы Луганскай.
«Паводле папярэдніх дадзеных, снарады і міны траплялі ў прыватныя жылыя дамы і шматпавярховік. Як мінімум, адзін дом згарэў. Інфармацыя пра пацярпелых і іншыя наступствы абстрэлаў зараз ўдакладняецца», — паведаміў кіраўнік Луганскай АДА.
На Данецкам кірунку ўзброеныя групоўкі абстралялі Гранітнае, Опытнае, Бярозавае і Пяскі. Таксама абстрэльвалі і Шырокіна.
Атрымліваючы адэкватны адказ, яны ці ледзь не кожны раз просяць спынення агню, і кожны раз першымі ж яго парушаюць, заявілі ў прэс-цэнтры АТА.
Каментары