Білборды навучыліся заляцацца да жанчын і хавацца ад паліцыі
З жанчынамі стасуюцца ў Германіі, ад паліцыі хаваюцца ў Расіі.
Рэклама цяпер будзе глядзець у твар сваім патэнцыйным ахвярам: у двух месцах незалежна распрацоўшчыкі білбордаў ужылі тэхналогію распазнавання твараў.
Нямецкае рэкламнае агенцтва Philipp und Keuntje усталявала на вуліцы білборд, які рэагуе толькі на жанчын. Як толькі ў поле зроку камеры на білбордзе трапляе чалавек, якога праграма распазнае як жанчыну, на экране з’яўляецца комік Уке Босэ, які зробіць усё, каб прывабіць дзяўчыну.
Жанчынам паказваецца адзін з сямі дзясяткаў ролікаў на ўсе выпадкі (праграма можа ацаніць і ўзрост) — усё каб прарэкламаваць піва Astra. Мужчын рэклама ігнаруе, яны ў Германіі і так любяць піва.
У расійскай рэкламы процілеглая задача — не паказацца, а схавацца.
З часоў увядзення санкцый «супраць» Еўропы расіяне засталіся без многіх замежных прадуктаў (некаторыя санкцыі ўжо скасавалі). Гэтая праблема зачапіла ўладальніка «Don Giulio Salumeria», крамы італьянскай ежы ў Маскве.
Каб паказаць людзям, што ў Расіі ўсё яшчэ можна здабыць замежныя прадукты (нагадаем, вас прасілі не смяяцца з беларускіх крэветак), ён выставіў на вуліцы білборд. А каб паліцыя да яго паменей чаплялася, у білбордзе ўсталявалі камеру, што распазнае паліцэйскую форму (для чаго была мадыфікаваная праграма распазнавання твараў). Як толькі да білборда падыходзіць паліцыянт, рэклама італійскай ежы мяняецца на рэкламу крамы матрошак.
Глядзіце таксама: Страхавая кампанія прадставіла рэкламу, якую немагчыма прапусціць
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію7
Каментары