Падгрупы кантактнай групы па Украіне (Украіна — АБСЕ — Расія) зноў збяруцца 2 чэрвеня, паведаміла журналістам у Мінску пасол АБСЕ Хайдзі Тальявіні.
Паводле яе слоў, сёння быў адкрыты другі раўнд перамоў падгруп кантактнай групы.
«Мы сёння дамовіліся пра тое, што наступным разам падгрупы сустрэнуцца 2 чэрвеня, каб іх каардынатары паведамілі трохбаковай кантактнай групе, якім чынам працягваць працаваць», — паведаміла прадстаўнік АБСЕ. Тальявіні зазначыла, што трохбаковая кантактная група пакуль яшчэ знаходзіцца ў працэсе ўзгаднення механізмаў гэтай працы, таму чатыры падгрупы сапраўды дапамагаюць выконваць мінскія дамоўленасці.
22 мая ў сталічным «Прэзідэнт-гатэлі» прайшло чарговае пасяджэнне кантактнай групы, якое доўжылася прыблізна дзве гадзіны. Яму папярэднічала закрытае пасяджэнне падгрупы па палітычных пытаннях.
Ціханоўская: Дзеці не пераехалі ў ЗША, а проста часова будуць з татам дзеля бяспекі27
Каментары