Вядомая актывістка па барацьбе за правы каляровых у ЗША выявілася белай, якая фарбавала скуру, каб выглядаць чорнай
У ЗША набірае абароты чарговы скандал вакол адносінаў цёмнаскурага і белага насельніцтва. Аднак калі папярэднія гучныя выпадкі былі звязаныя ў асноўным з нематываваным гвалтам беласкурых паліцэйскіх супраць цёмнаскурых амерыканцаў, то гісторыя Рэйчал Долезал (Rachel Dolezal) даволі незвычайная.
37-гадовая Долезал была вядомым у штаце Вашынгтон актывістам грамадзянскай супольнасці і займалася абаронай правоў цёмнаскурых.
Яна была старшынёю офіса паліцэйскіх амбудсмэнаў горада Спакан (Spokane), адным з выкладчыкаў праграмы афрыканскіх даследаванняў ва Універсітэце Вашынгтона. А апошнія некалькі месяцаў Долезал займала пасаду старшыні аддзялення Нацыянальнай асацыяцыі судзеяння прагрэсу каляровага насельніцтва горада Спакан. Гэта арганізацыя была створана ў ЗША ў 1909 годзе і змагаецца за грамадзянскія правы нябелага насельніцтва Амерыкі.
Рэйчал Долезал вяла актыўнае жыццё і была паважанай асобай да мінулага тыдня, калі яе бацькі Рутан і Лоўрэнс Долезал заявілі, што Рэйчал насамрэч… белая, і ў яе жылах не цячэ ні кроплі афрыканскай крыві, а яе продкі паходзяць з Чэхіі (адсюль і прозвішча — Doležal), Швецыі і Германіі. У СМІ таксама трапілі фатаздымкі маладой Рэйчал, з якіх глядзіць беласкурая і светлавалосая дзяўчына.
Выявілася, што Рэйчал Долезал карысталася касметыкай, каб зрабіць сваю скуру больш цёмнай, фарбавала і закручвала валасы.
Аднак на гэтым метамарфозы Рэйчал не скончыліся. Яна літаральна стварыла сабе альтэрнатыўную асобу: імітавала акцэнт афраамерыканцаў, расказвала пра жыццё ў Паўднёвай Афрыцы і выклікі, з якімі сутыкаюцца цёмнаскурыя людзі.
Трэба адзначыць, што Рэйчал сутыкнулася з афрыканскай культурай даволі рана. Яе бацькі былі місіянерамі ў ПАР і ўсынавілі чытырох дзяцей, сярод якіх было некалькі цемнаскурых. Аднак яе маці Рутан кажа, што праблемы з расавай ідэнтычнасцю ў Рэйачал хутчэй за ўсё пачаліся падчас навучання ў Говардскім універсітэце, дзе яна «хацела быць большай часткай афра-амерыканскай культуры, чым белая жанчына магла стаць».
У дадзены момант звольнілася з Нацыянальнай асацыяцыі судзеяння прагрэсу каляровага насельніцтва горада Спакан, а Універсітэт Вашынгтона скасаваў кантракт з ёю.
Сітуацыя вакол Долезал падзяліла амерыканцаў на два лагеры. Першыя ўпэўненыя, што Рэйчал прыкідвалася цёмнаскурай, каб лёгка зрабіць кар'еру. Другія спачувалі Долезал і казалі, што чалавек мае права выбраць прыналежнасць да пэўнай расы, таксама як і гендар. Абаронцы Долезал таксама звяртаюць увагу на ейную выбітную грамадскую дзейнасць.
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары