Viadomaja aktyvistka pa baraćbie za pravy kalarovych u ZŠA vyjaviłasia biełaj, jakaja farbavała skuru, kab vyhladać čornaj
U ZŠA nabiraje abaroty čarhovy skandał vakoł adnosinaŭ ciomnaskuraha i biełaha nasielnictva. Adnak kali papiarednija hučnyja vypadki byli źviazanyja ŭ asnoŭnym ź niematyvavanym hvałtam biełaskurych palicejskich suprać ciomnaskurych amierykancaŭ, to historyja Rejčał Dolezał (Rachel Dolezal) davoli niezvyčajnaja.
37-hadovaja Dolezał była viadomym u štacie Vašynhton aktyvistam hramadzianskaj supolnaści i zajmałasia abaronaj pravoŭ ciomnaskurych.
Jana była staršynioju ofisa palicejskich ambudsmenaŭ horada Spakan (Spokane), adnym z vykładčykaŭ prahramy afrykanskich daśledavańniaŭ va Univiersitecie Vašynhtona. A apošnija niekalki miesiacaŭ Dolezał zajmała pasadu staršyni adździaleńnia Nacyjanalnaj asacyjacyi sudziejańnia prahresu kalarovaha nasielnictva horada Spakan. Heta arhanizacyja była stvorana ŭ ZŠA ŭ 1909 hodzie i zmahajecca za hramadzianskija pravy niabiełaha nasielnictva Amieryki.
Rejčał Dolezał viała aktyŭnaje žyćcio i była pavažanaj asobaj da minułaha tydnia, kali jaje baćki Rutan i Łoŭrens Dolezał zajavili, što Rejčał nasamreč… biełaja, i ŭ jaje žyłach nie ciače ni kropli afrykanskaj kryvi, a jaje prodki pachodziać z Čechii (adsiul i proźvišča — Doležal), Šviecyi i Hiermanii. U ŚMI taksama trapili fatazdymki maładoj Rejčał, ź jakich hladzić biełaskuraja i śvietłavałosaja dziaŭčyna.
Vyjaviłasia, što Rejčał Dolezał karystałasia kaśmietykaj, kab zrabić svaju skuru bolš ciomnaj, farbavała i zakručvała vałasy.
Adnak na hetym mietamarfozy Rejčał nie skončylisia. Jana litaralna stvaryła sabie alternatyŭnuju asobu: imitavała akcent afraamierykancaŭ, raskazvała pra žyćcio ŭ Paŭdniovaj Afrycy i vykliki, ź jakimi sutykajucca ciomnaskuryja ludzi.
Treba adznačyć, što Rejčał sutyknułasia z afrykanskaj kulturaj davoli rana. Jaje baćki byli misijanierami ŭ PAR i ŭsynavili čytyroch dziaciej, siarod jakich było niekalki ciemnaskurych. Adnak jaje maci Rutan kaža, što prablemy z rasavaj identyčnaściu ŭ Rejačał chutčej za ŭsio pačalisia padčas navučańnia ŭ Hovardskim univiersitecie, dzie jana «chacieła być bolšaj častkaj afra-amierykanskaj kultury, čym biełaja žančyna mahła stać».
U dadzieny momant zvolniłasia z Nacyjanalnaj asacyjacyi sudziejańnia prahresu kalarovaha nasielnictva horada Spakan, a Univiersitet Vašynhtona skasavaŭ kantrakt ź joju.
Situacyja vakoł Dolezał padzialiła amierykancaŭ na dva łahiery. Pieršyja ŭpeŭnienyja, što Rejčał prykidvałasia ciomnaskuraj, kab lohka zrabić karjeru. Druhija spačuvali Dolezał i kazali, što čałaviek maje prava vybrać prynaležnaść da peŭnaj rasy, taksama jak i hiendar. Abaroncy Dolezał taksama źviartajuć uvahu na jejnuju vybitnuju hramadskuju dziejnaść.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary