У Беларусі правядуць вучэнні на выпадак пранікнення віруса MERS
Беларусь гатовая да магчымага пранікнення каронавірусу, сцвярджае міністэрства аховы здароўя.
Намеснік міністра аховы здароўя Беларусі Ігар Гаеўскі паведаміў аб правядзенні вучэнняў на выпадак пранікнення ў Беларусь вірусу MERS, перадае «Мінск-Навіны».
У Нацыянальным аэрапорце Мінск былі праведзеныя вучэнні з удзелам памежнікаў і служб грамадзянскай авіяцыі. Да 21 чэрвеня аналагічныя вучэнні правядуць ў абласных аэрапортах.
На вучэннях адпрацоўвалася ўзаемадзеянне на выпадак падазрэнняў пранікнення вірусу MERS у Беларусь. Правяралася таксама, якія крокі зробіць кожнае ведамства, каб лакалізаваць інфекцыю і прадухіліць яе распаўсюд.
Па словах Гаеўскага, тэплавізары, здольныя выяўляць людзей з «нездаровай» тэмпературай, ёсць у кожным транспартным пераходзе і ў рэгіянальных аэрапортах, праводзіцца даабсталяванне Мінскага аэрапорту больш сучаснымі сродкамі.
Раней у мінскім аэрапорце праводзіліся вучэнні на выпадак пранікнення віруса Эбола (хоць імавернасць яго пранікнення ацэньвалася як невысокая). Як распавёў Гаеўскі, падчас тых вучэнняў у аэрапорце вылічылі ўсіх нігерыйцаў з высокай тэмпературай, ізалявалі іх і правялі тэсты, затым 20 дзён сачылі за станам іх здароўя.
***
Першыя выпадкі заражэння вірусам рэгістраваліся ў Саудаўскай Аравіі ў чэрвені 2012 года. Успышка вірусу MERS была нядаўна зафіксаваная ў Паўднёвай Карэі, першы выпадак смерці ад яго ў Еўропе быў зафіксаваны ў Германіі.
Вакцыны ад віруса MERS на сёння няма. Пакуль вірус недастаткова даследаваны, невядомая нават дакладная крыніца яго паходжання.
-
За тыдзень у Беларусі колькасць захворванняў на рэспіраторныя інфекцыі вырасла на 18 працэнтаў
-
Беларуская фітнэс-трэнерка два гады пакутавала ад невядомай хваробы. Здаецца, яна знайшла адказ — але ад яго не лягчэй
-
Нараджаецца менш дзяцей, бо праблемай стала зачаць. Вось што выявілі апошнія даследаванні, асабліва мужчынскага здароўя
Каментары