U Biełarusi praviaduć vučeńni na vypadak praniknieńnia virusa MERS
Biełaruś hatovaja da mahčymaha praniknieńnia karonavirusu, śćviardžaje ministerstva achovy zdaroŭja.
Namieśnik ministra achovy zdaroŭja Biełarusi Ihar Hajeŭski paviedamiŭ ab praviadzieńni vučeńniaŭ na vypadak praniknieńnia ŭ Biełaruś virusu MERS, pieradaje «Minsk-Naviny».
U Nacyjanalnym aeraporcie Minsk byli praviedzienyja vučeńni z udziełam pamiežnikaŭ i słužb hramadzianskaj avijacyi. Da 21 červienia anałahičnyja vučeńni praviaduć ŭ abłasnych aeraportach.
Na vučeńniach adpracoŭvałasia ŭzajemadziejańnie na vypadak padazreńniaŭ praniknieńnia virusu MERS u Biełaruś. Praviarałasia taksama, jakija kroki zrobić kožnaje viedamstva, kab łakalizavać infiekcyju i praduchilić jaje raspaŭsiud.
Pa słovach Hajeŭskaha, tepłavizary, zdolnyja vyjaŭlać ludziej z «niezdarovaj» tempieraturaj, jość u kožnym transpartnym pierachodzie i ŭ rehijanalnych aeraportach, pravodzicca daabstalavańnie Minskaha aeraportu bolš sučasnymi srodkami.
Raniej u minskim aeraporcie pravodzilisia vučeńni na vypadak praniknieńnia virusa Eboła (choć imaviernaść jaho praniknieńnia aceńvałasia jak nievysokaja). Jak raspavioŭ Hajeŭski, padčas tych vučeńniaŭ u aeraporcie vyličyli ŭsich nihieryjcaŭ z vysokaj tempieraturaj, izalavali ich i praviali testy, zatym 20 dzion sačyli za stanam ich zdaroŭja.
***
Pieršyja vypadki zaražeńnia virusam rehistravalisia ŭ Saudaŭskaj Aravii ŭ červieni 2012 hoda. Uspyška virusu MERS była niadaŭna zafiksavanaja ŭ Paŭdniovaj Karei, pieršy vypadak śmierci ad jaho ŭ Jeŭropie byŭ zafiksavany ŭ Hiermanii.
Vakcyny ad virusa MERS na siońnia niama. Pakul virus niedastatkova daśledavany, nieviadomaja navat dakładnaja krynica jaho pachodžańnia.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary