Беларусы за год зарабілі на патэнтах больш за 20 мільёнаў даляраў
Сума ўзнагароджанняў па ліцэнзійных дагаворах на аб'екты прамысловай уласнасці за 2014 склала больш за 350 мільярдаў рублёў, ці 20 мільёнаў даляраў. Пра гэта стала вядома на прэс-канферэнцыі ў гонар Дня вынаходніка і рацыяналізатара.
— Гэтая лічба тычыцца толькі тых дамоваў, якія былі пададзеныя праз наш цэнтр, — патлумачыла Ірына Рудакова, начальніца аддзела рэгістрацыі і эканомікі прамысловай уласнасці НЦІУ. — Дамова рэгіструецца, калі ўладальнік правоў на аб'ект прамысловай уласнасці перадае каму-небудзь правы на яго — на час або назаўсёды. Гэтая лічба ўключае ў сябе і дагаворы як з беларускімі заяўнікамі, так і здзелкі з прадстаўнікамі іншых краін.
У 2014 годзе ў Нацыянальным цэнтры інтэлектуальнай уласнасці зарэгістравалі 757 заявак на патэнты на вынаходніцтвы. Гэта нашмат менш за паказчык 2013 — тады было пададзена 1634 заявак. Таксама зменшылася і колькасць заявак на патэнты на карысныя мадэлі: 485 мадэляў ў 2014 годзе супраць 1146 — у 2013.
— Гэта можа быць звязана з тым, што ў 2014 годзе была змененая патэнтавая пошліна, — распавяла Ірына Рудакова. - Яе памер істотна ўзрос, цяпер яна прывязаная да курсу даляра.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро9
Каментары