Грэчаскі прэм'ер Алексіс Цыпрас выступіў з тэлезваротам да грамадзян. Ён заявіў, што рэферэндум, прызначаны на нядзелю, адбудзецца, а таксама заклікаў грэкаў галасаваць супраць мер, прапанаваных еўрапейскім бокам.
Сваю пазіцыю Цыпрас матываваў тым, што адмова прыняць дзеючую прапанову еўразоны дапаможа Грэцыі выбіць лепшыя ўмовы на далейшых перамовах. У якасці прыкладу Цыпрас прывёў сітуацыю з адмовай Ірландыі ратыфікаваць Лісабонскае пагадненне, якая дазволіла Ірландыі дамагчыся лепшых умоў.
Прэм'ер таксама дадаў, што тыя, хто кажа пра непазбежны выхад Грэцыі з еўразоны ў выпадку адмовы ад бягучай прапановы крэдытораў, хлусяць. «Рэферэндум у нядзелю не ставіць пад сумнеў сяброўства краіны ў еўразоне. Яно само сабой зразумела і ніхто не можа яго аспрэчыць», — сказаў Цыпрас.
Ён таксама запэўніў грамадзян у тым, што заробкі і пенсіі па-ранейшаму будуць выплачвацца.
Асноўныя тэзісы свайго тэлезвароту Цыпрас паўтарыў у сваім твітары.
«Пасля таго як быў абвешчаны рэферэндум, нам паступілі больш выгадныя прапановы — асабліва ў частцы рэструктурызацыі доўгу. У панядзелак урад Грэцыі зможа сесці за стол перамоваў, заручыўшыся вынікамі рэферэндуму, дамагаючыся лепшых умоў для грэчаскіх грамадзян. Меркаванне большасці значна важней волі ўрада. (Еўропа) вас шантажуе і заклікае галасаваць у падтрымку мер, якія не маюць на ўвазе выхаду з крызісу. «Не» — гэта не проста слоган. «Не» - гэта рашучы крок на шляху да лепшых умоў. «Не» не азначае разрыву адносін з Еўропай, гэта вяртанне да еўрапейскіх каштоўнасцяў», — гаворыцца ў некалькіх паведамленнях грэчаскага прэм'ера ў сацсетцы.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары