Аляксандр Лукашэнка сёння, у Дзень Незалежнасці, усклаў вянок да манумента Перамогі ў Мінску.
Удзел ва ўрачыстай цырымоніі прынялі вышэйшыя службовыя асобы, кіраўнікі дзяржорганаў, прадстаўнікі грамадскіх арганізацый, ветэраны, святары, дыпламаты. Яны таксама ўсклалі да манумента кветкі і вянкі, паведамляе president.gov.by.
Прысутныя на плошчы Перамогі ўшанавалі хвілінай маўчання памяць загінулых. У цішыні прагучала 20 удараў метранома.
Пасля выканання Дзяржаўнага гімна па плошчы ўрачыстым маршам прайшла зводная рота і аркестр ганаровай варты ваеннай камендатуры Узброеных Сіл.
Аляксандр Лукашэнка пагутарыў з кіраўнікамі дыпламатычных місій.
Потым ён павітаў ветэранаў Вялікай Айчыннай вайны.
«Наш дамову вы памятаеце: як мага даўжэй жыць. Нам вы вельмі патрэбныя», — сказаў кіраўнік дзяржавы, звяртаючыся да ветэранаў, пажадаў ім здароўя і шчасця.
Дзіўна, але ўсе прысутныя былі чамусьці ў аднолькавых белых кепачках.
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў4
Каментары