Жыхар Гродна Максім Гармаш, пачуўшы, што ў Беларусі былі знойдзеныя тарантулы, некалькі гадоў назіраў за павукамі ў горадзе і ваколіцах. Нядаўна ў раёне крэйдавых кар'ераў ён выявіў небяспечнага варонкавага павука сямейства Agelenidae і вырашыў расказаць пра гэта карыстальнікам інтэрнэта, паведамляе tut.by са спасылкай на wildlife.by.
Варонкавы павук — гэта «сваяк» тарантула. Ён агрэсіўны і ядавіты, можа на працягу гадзіны бесперапынна пераследваць ахвяру. Можа жыць усюды: у полі, у садзе, у горадзе. Яго ўкус можа выклікаць сур'ёзны некроз тканак, акрамя таго, у арганізм можа трапіць інфекцыя, як пры ўкусе кляшча.
Для здаровага дарослага чалавека ўкус павука не смяротны. Але сустрэцца з павуком можа і дзіця, і чалавек з алергіяй. Таму Максім раіць абыходзіць бокам своеасаблівыя варонкі з павуціння, такія, як ён зняў на відэа.
Цяпер чытаюць
«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні8
Каментары