А заадно і першы за пяць год кліп.
Брытанскія зоркі хэві-металу Iron Maiden выпусцілі самотнік «Speed of Light» і прадставілі кліп на загалоўную песню.
У кліпе талісман гурту, монстр Эдзі трапляе ў свет відэагульняў. Раней ён трапляў у відэагульню ў рэальным свеце: у 1999 годзе з нагоды ўз’яднання Iron Maiden і вакаліста Бруса Дыкінсана выйшла «стралялка» Ed Hunter, галоўным героем якой быў Эдзі.
Новая песня ў Iron Maiden з’явілася ўпершыню за пяць год. Апошні на сёння альбом гурту, «The Final Frontier», выйшаў у жніўні 2010 года. «Speed of Light» увайдзе ў новы альбом, «The Book of Souls», які мае выйсці 4 верасня.
Новы альбом стане самым доўгім у гісторыі гурту, 92 хвіліны, і першым двайным. Гурт працягне схіляцца ад класічнага хэві да прагрэсів-металу. Чатыры з адзінаццаці песень плыткі першапачаткова прызначаліся для сольнага альбому Дыкінсана.
У лютым Брус Дыкінсан завершыў сямітыднёвы курс лекавання ад ракавай пухліны на ніжнім боку языка. Пасля лекавання стан здароў’я Дыкінсана добры, але гурт дасць тур у падтрымку альбома толькі ў 2016 годзе, калі вакаліст цалкам аправіцца пасля аперацыі.
-
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
-
«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі
-
Ходзіць легенда, што Озі Осбарн адкусіў галаву жывому кажану. А што ж адбылося насамрэч?
Цяпер чытаюць
Жанчыну-пульманолага з 30-гадовым стажам адправілі ў калонію па трох палітычных артыкулах1
Каментары