Мінскі завод вінаградных він, які кантралюецца ўладальнікамі «Еўраопта» Сяргеем Літвіном і Уладзімірам Васількам, на фоне прэзідэнцкай крытыкі «нядобрасумленных прыватнікаў» абышоў у рэйтынгу найбуйнейшых падаткаплацельшчыкаў Мінска — «Мінск Крышталь».
Паводле дадзеных ІМПЗ па Мінску, МЗВВ, які выпускае такія маркі моцных алкагольных напояў, як «Налібокі», «Сваяк» і па ліцэнзіі літоўскі Stumbras, заняў чацвёртае месца па аб'ёмах плацяжоў у кансалідаваны бюджэт Мінска па выніках сямі месяцаў 2015 года. Наперадзе яго — «Газпром трансгаз Беларусь», «Лукойл Беларусь» і «Тытунь-інвест».
Найбуйнейшы дзяржаўны вытворца алкаголю «Мінск Крышталь» — пяты ў спісе.
Цікава, што 20 жніўня на адмысловай нарадзе ва ўрадзе Аляксандр Лукашэнка выступіў у абарону дзяржсектара ў гэтай галіне.
Прыватныя структуры, па словах прэзідэнта, занялі каля 35% рынка, пры гэтым нядобрасумленна пацясняюць дзяржаўныя структуры, у тым ліку з дапамогай гандлёвых сетак, лічыць прэзідэнт. «Як я ўжо сказаў, выцясняюцца дзяржпрадпрыемствы, — адзначыў Аляксандр Лукашэнка. — З дзяржпрадпрыемстваў за рэалізацыю лікёра-гарэлачных вырабаў патрабуюць зніжкі, часам да 40% кошту, і, як я казаў, уводзяць незразумелыя бонусы і прэміі для гандлёвых сетак за кошт, натуральна, вытворцы».
Хто з беларусаў трапіў на прыём да прэзідэнта Польшчы ШМАТ ФОТА10
Каментары