Minski zavod vinahradnych vin, jaki kantralujecca ŭładalnikami «Jeŭraopta» Siarhiejem Litvinom i Uładzimiram Vasilkam, na fonie prezidenckaj krytyki «niadobrasumlennych pryvatnikaŭ» abyšoŭ u rejtynhu najbujniejšych padatkapłacielščykaŭ Minska — «Minsk Kryštal».
Pavodle dadzienych IMPZ pa Minsku, MZVV, jaki vypuskaje takija marki mocnych ałkaholnych napojaŭ, jak «Naliboki», «Svajak» i pa licenzii litoŭski Stumbras, zaniaŭ čaćviortaje miesca pa abjomach płaciažoŭ u kansalidavany biudžet Minska pa vynikach siami miesiacaŭ 2015 hoda. Napieradzie jaho — «Hazprom transhaz Biełaruś», «Łukojł Biełaruś» i «Tytuń-inviest».
Najbujniejšy dziaržaŭny vytvorca ałkaholu «Minsk Kryštal» — piaty ŭ śpisie.
Cikava, što 20 žniŭnia na admysłovaj naradzie va ŭradzie Alaksandr Łukašenka vystupiŭ u abaronu dziaržsiektara ŭ hetaj halinie.
Pryvatnyja struktury, pa słovach prezidenta, zaniali kala 35% rynka, pry hetym niadobrasumlenna paciaśniajuć dziaržaŭnyja struktury, u tym liku z dapamohaj handlovych sietak, ličyć prezident. «Jak ja ŭžo skazaŭ, vyciaśniajucca dziaržpradpryjemstvy, — adznačyŭ Alaksandr Łukašenka. — Ź dziaržpradpryjemstvaŭ za realizacyju likiora-harełačnych vyrabaŭ patrabujuć źnižki, časam da 40% koštu, i, jak ja kazaŭ, uvodziać niezrazumiełyja bonusy i premii dla handlovych sietak za košt, naturalna, vytvorcy».
Kamientary