«Найлепшая навіна, якая толькі магла б быць! Нарэшце! Палітычныя зняволеныя на волі! Вельмі рада за іх сем'і, за іх саміх. Мы ўсе гэтага так доўга чакалі! Цяпер у Беларусі паветра будзе трохі вальнейшым! #TaK», — напісала патэнцыйная кандыдатка ў прэзідэнты Беларусі Таццяна Караткевіч у сваім фэйсбуку.
Нагадаем, што Караткевіч уваходзіла ў ініцыятыўную групу Статкевіча і наведвала яго ў турме.
Караткевіч праз фэйсбук адказала «Нашай Ніве», што ў суботу яна не змагла сустрэць Статкевіча на аўтавакзале, бо была далёка ад Мінска. Яна не адказала на пытанне, дзе менавіта яна была.
У яго сустрэчы ўдзельнічаў яе начальнік штаба Андрэй Дзмітрыеў і старшыня Партыі БНФ Аляксей Янукевіч, які яе падтрымлівае.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі39
Каментары