Таццяна Караткевіч на рэгістрацыі кандыдатаў: «Лукашэнка стаміўся. Яму варта адпачыць»
«Лукашэнка стаміўся. Яму варта адпачыць», — сказала кандыдатка ў прэзідэнты Беларусі Таццяна Караткевіч у сваёй кароткай прамове на цырымоніі рэгістрацыі кандыдатаў у Цэнтрвыбаркаме.
Прамаўляла Караткевіч добра, без хвалявання.
Яна падзякавала сваёй камандзе.
«Я ганаруся, што я — адзіная дэмакратычная альтэрнатыва, я прадстаўляю людзей, што хочуць мірных перамен. Улада павінна мяняцца. Мяняцца мірна», — сказала Караткевіч.
Якасць жыцця толькі пагаршаецца, адзначыла яна, а Аляксандр Лукашэнка не выканаў абяцання 1000 даляраў заробку. «Калі мы дадзім яшчэ 5 гадоў гэтай уладзе, то толькі пагоршым сітуацыю».
Таццяна Караткевіч — першая зарэгістраваная жанчына-кандыдатка у гісторыі прэзідэнцкіх выбараў у Беларусі.
Лідзія Ярмошына ўручае пасведчанне кандыдата Таццяне Караткевіч.
Каментары