Сёння сталі вядомыя лаўрэаты Нобелеўскай прэміі па фізіцы. Імі сталі Такаакі Кадзіта (Такійскі ўніверсітэт) і Артур Б. Макдональд (Куінс універсітэт, Кінгстан, Канада), паведамляе сайт Нобелеўскага камітэта.
Яны ўзнагароджаныя «за адкрыццё нейтрынных асцыляцый, якія ўказваюць, што нейтрына мае масу».
«Адкрыццё памяняла наша разуменне ўнутраных механізмаў матэрыі і стала ключавым для нашага ўспрымання Сусвету. На парозе тысячагоддзя Такаакі Кадзіта адкрыў на дэтэктары ў Японіі, што атмасферныя нейтрына перамыкаюцца з аднаго ў стану ў другі. Тым часам даследчая група ў Канадзе пад кіраўніцтвам Макдональда змагла прадэманстраваць, што нейтрына, якія ляцяць ад Сонца, не знікаюць на шляху да Зямлі. Наадварот, яны фіксуюцца ў розных станах на нейтрыннай абсерваторыі Седберы», — гаворыцца ў паведамленні.
У сераду будзе названы лаўрэат Нобелеўскай прэміі ў галіне хіміі, у чацвер — па літаратуры, у пятніцу — прэміі міру.
Нобелеўскую прэмію па фізіялогіі і медыцыне прысудзілі за паразітаў
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
-
«Лега» абвяшчае рэвалюцыю: прэзентаваная сістэма, якая ажыўляе кубікі без смартфонаў. Вось як яна працуе і колькі каштуе

Каментары