Рэформы ў Беларусі будуць накіраваны на ўдасканаленне ўжо існуючага, а не яго ломку.
Пра гэта заявіў Аляксандр Лукашэнка сёння на нарадзе па актуальных пытаннях развіцця краіны.
У цяперашні час шмат гаворыцца аб зменах і рэформах у краіне. У сувязі з гэтым кіраўнік дзяржавы заявіў, што ў Беларусі не будзе рэформаў, накіраваных на ломку існуючага парадку.
«Рэфармаваць будзем, удасканальваючы тое, што ёсць», — падкрэсліў кіраўнік дзяржавы.
Ён звярнуў увагу, што няма і не будзе грошай на тое, каб да аснавання ламаць нешта, а потым гераічна аднаўляць.
«Некаторыя кажуць: ёсць крэдыт даверу і трэба правесці непапулярныя меры, прычым вельмі хутка, чытай — трэба хуценька рэзаць па жывым. Калі будзеце прэзідэнтамі, тады будзеце рэзаць. Я нікога і нічога рэзаць не мае намеру. А, калі хочаце рэзануць, пачнем з тых, хто гэта прапаноўвае», — сказаў Аляксандр Лукашэнка.
«Падманваць людзей я не збіраюся, тым самым падносячы падарунак сваім ворагам і як мінімум супернікам, — падкрэсліў ён.
— Гэта зусім не значыць, што мы спынімся і застынем. Сістэма толькі тады здольная жыць і выжываць, калі яна пастаянна знаходзіцца ў руху і ўдасканальваецца».
Пры гэтым Аляксандр Лукашэнка дадаў: «У нас дастаткова сіл і сродкаў, каб не спыняцца, а ўдасканальвацца». «І ў гэтым сутнасць нашых рэформаў», - заявіў ён.
Лукашэнка таксама адхіліў прапановы па скарачэнні колькасці працуючых на буйных прадпрыемствах.
Паводле яго слоў, да гэтых пытанняў трэба падыходзіць вельмі акуратна і разумна. «Людзей, якія хочуць працаваць, выкідваць на вуліцу ніхто не мае права. Атрымаеце за гэта крымінальную адказнасць», — папярэдзіў кіраўнік дзяржавы
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»37
Каментары