Украінскі міратворца ААН, паранены падчас беспарадкаў у этнічна падзеленай косаўскай Мітравіцы, памёр у больніцы ў ноч на аўторак.
Шпіталізаваныя 20 пацярпелых супрацоўнікаў украінскага міратворчага падразьдзяленьня.
У панядзелак раніцай паліцэйскія ААН пры падтрымцы міратворцаў NATO вызвалілі будынак суда ў паўночнай Мітравіцы, захоплены ў пятніцу сербамі ў знак пратэсту супраць незалежнасьці Косава.
Паводле словаў відавочцаў, каля будынка суда ўзарвалася як мінімум адна гранатаю Была таксама абстраляна паліцэйская станцыя. Штурм суправаджаўся жорсткімі сутычкамі паліцэйскіх і мясцовых жыхароў. Паліцыя вымушана была ўжыць сьлёзацечны газ для разгону соцень сербаў, якія абкружылі будынак суду.
Як паведаміў у панядзелак прадстаўнік польскай паліцэйскай місіі Марыюш Сакалоўскі, падчас беспарадкаў атрымалі раненьні таксама 22 польскія паліцэйскія.
У той жа дзень трое паліцэйскіх ААН і двох міратворцаў NATO былі ранены ў выніку выбуху, як адбыўся ў момант вызваленьня будынка суду сіламі бясьпекі. Некалькі дэманстрантаў атрымалі траўмы.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары