У канцы мінулага тыдня мабільны аператар life:) анансаваў з'яўленне бясплатнага Wi-Fi у некаторых аўтобусах у Мінску і абласных цэнтрах. Аднак сёння высветлілася, што для запуску такога праекта яго арганізатары павінны зарэгістраваць абсталяванне ў наглядным органе і ўзгадніць ўстаноўку з Міністэрствам абароны.
Рэспубліканскае ўнітарнае прадпрыемства па наглядзе за электрасувяззю «БелДІЭ» паведаміла, што паводле цяперашняга заканадаўства без рэгістрацыі раздаваць Wi-Fi можа толькі «канцавая (абаненцкая) апаратура Wi-Fi, якая ўсталёўваецца ўнутры будынкаў і збудаванняў і якая не выкарыстоўвае антэны, якія ўстанаўліваюцца па-за будынкамі і збудаваннямі».
У аўтобусах ж збіраліся выкарыстоўваць апаратуру з антэнамі па-за будынкамі — іх, як і астатняе абсталяванне прыйшлося б размясціць у аўтобусах. Гэты выпадак у закон не ўпісваецца, а значыць, патрабуе рэгістрацыі.
«Паколькі транспартныя сродкі не з'яўляюцца будынкамі і збудаваннямі, то ў адпаведнасці з вышэйазначанымі пастановамі <…> для выкарыстання кропак доступу Wi-Fi, устаноўленых ўнутры транспарту патрабуецца атрыманне дазвольных дакументаў у РУП «БелДІЭ» і правядзенне ўзгаднення з Міністэрствам абароны», гаворыцца на сайце ведамства.
Прадстаўнікі нагляднага органа нагадалі, што стварэнне такіх кропак у грамадскім транспарце без дазвольных дакументаў незаконна і цягне адміністрацыйную адказнасць.
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
-
«Лега» абвяшчае рэвалюцыю: прэзентаваная сістэма, якая ажыўляе кубікі без смартфонаў. Вось як яна працуе і колькі каштуе
Каментары