У матчы чэмпіянату Кантынентальнай хакейнай лігі мінскае «Дынама» на «Мінск-Арэне» перамагло рыжскіх аднаклубнікаў з лікам 2:0.
Дзякуючы перамозе «Дынама» ўзнялася адразу на 9-е месца ў Заходняй канферэнцыі. У «зуброў» у 27 гульнях 38 балаў і адзін бал адставання ад 8-е месца, што гарантуе месца ў плэй-оф.
… 5. Дынама Масква — 43 (27), 6. Віцязь — 43 (27), 7. Медвешчак — 42 (29), 8. СКА — 39 (27), 9. Дынама Мінск — 38 (27), 10. Сочы — 38 (26), 11. Спартак — 37 (27), 12. Слован — 37 (29). 13. Дынама Рыга — 34 (28), 14. Северсталь — 33 (25).
Цяпер у чэмпіянаце ўзяты тыднёвы перапынак, звязаны з турнірамі зборных.
Так, зборная Беларусі ў Ліепаі возьме ўдзел у турніры Euro Ice Hockey Challenge, дзе згуляе з камандамі Італіі (5 лістапада, 16:00), Латвіі (пятніца, 20:30), Японіі (субота, 14:00).
Чэмпіянат для «Дынама» адновіцца 10 лістапада, калі беларускі клуб у Мінску згуляе з харвацкім «Медвешчаком», 12-га ў Мінску — матч са «Слованам», 14-га — з маскоўскім «Дынама», 16-га — з «Віцязем».
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў34
Каментары