Трох расійскіх казакоў, якія бушавалі у Пінску, у Беларусі асудзілі на тры гады калоніі
Прысуд учора вынес суд Пінскага раёна і горада Пінска.
Удзельнікі коннага паходу Масква-Берлін
У ліпені гэтага года праз тэрыторыю Беларусі праходзіў шлях казацкага коннага паходу Масква-Берлін.
Калі расійскія казакі былі ў Пінску, трое з іх пачалі чапляцца да мясцовай дзяўчыны, за якую заступіўся яе хлопец.
У выніку «казакі» яго збілі, а разам з тым учынілі пагром у будынку інтэрната аграрна-тэхналагічнага Пінскага каледжу.
За гэта расіян затрымалі і выставілі ім абвінавачанні ў злосным хуліганстве.
І вось, праз чатыры месяцы суд Пінскага раёну і горада Пінска вынес прысуд у дачыненні да казакоў: старэйшы з іх на тры гады адправіцца ў калонію строгага рэжыму, самы малодшы, якому няма 18 гадоў, — у выхаваўчую калонію.
Прысуд яшчэ можна абскардзіць.
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары