Рэшткі мужчыны знайшлі яшчэ ў красавіку, але высветліць асобу загінулага так і не ўдалося.
Шкілет знайшлі ў 300 метрах ад ракі Пціч у зарасніках хмызняка, у 1,5 кіламетрах ад вёскі Пціч Петрыкаўскага раёна. Згодна з заключэннем экспертызы, парэшткі праляжалі ў дадзеным месцы каля года. Прыкметы: рост 180-185 см, валасы маюць рудае адценне. На трупе мелася адзенне: камуфляжная рыбацкая куртка і штаны зялёнага колеру, кашуля ў сіне-белую палоску (цяльняшка), кальсоны светлага колеру, на нагах чаравікі бэжавага колеру на шнурках, 43 памеру, шкарпэткі чорнага колеру, трусы чорнага колеру.
Пры сабе меліся рэчы: заплечнік зялёнага колеру, 2 паляўнічыя нажы, канцылярскі нож, ліхтарык з электрашокерам у корпусе чорнага колеру.
Калі вам нешта вядома ці ёсць якія-небудзь здагадкі па гэтым факце, міліцыя просіць паведаміць пра гэта ва ўпраўленне крымінальнага вышуку УУС Гомельскага аблвыканкама: кантактныя тэлефоны: 8-0232-704-128, 8-0232-704-062 або 102.
Каментары