У байнэце запусцілі бясплатны сэрвіс, які дазваляе на аснове спрошчаных алгарытмаў ацаніць шанцы на атрыманне крэдыту. Пра гэта паведамілі ў прэс-службе «Альфа-Банка» (Беларусь), які выступіў партнёрам праекта.
Сэрвіс распрацаваны кампаніяй «Альфа-Ньюс» сумесна з «Альфа-Банкам». У банку мяркуюць, што такога кшталту праекты дазволяць скараціць дыстанцыю паміж банкамі і пазычальнікамі, а таксама будуць садзейнічаць павышэнню фінансавай кампетэнтнасці насельніцтва.
Анлайн-тэст, пакарыстацца якім можна па адрасе http://viberi.by/credit/alfascoring, дазваляе вызначыць верагоднасць атрымання спажывецкага крэдыту на аснове сацыяльна-дэмаграфічных фактараў, якія банкі традыцыйна ўлічваюць пры ацэнцы крэдытаздольнасці патэнцыяльных пазычальнікаў. Вынік адлюстроўваецца ў выглядзе дружалюбных графічных выяў трох відаў. Ён залежыць прыкладна ад 20 паказчыкаў, у тым ліку ўзросту, сферы занятасці, узроўню кваліфікацыі, працоўнага стажу, наяўнасці нерухомасці, аўтамабіля і інш.
Ацэнкі бясплатнага сэрвісу хаця і набліжаныя, але не ідэнтычныя вынікам крэдытнага скорынгу, якім карыстаюцца банкі пры ацэнцы сваіх кліентаў. «Банк улічвае значна большую колькасць фактараў, якія ва ўмовах гейміфікацыі улічыць і разлічыць практычна немагчыма, тым больш што канчатковае рашэнне залежыць ад плацежаздольнасці патэнцыяльнага пазычальніка, якую сэрвіс не ўлічвае. То бок пазітыўны «смайлік» не з'яўляецца гарантыяй атрымання крэдыту, гэтак жа як ён і не цягне за сабой якіх-небудзь абавязацельстваў», — растлумачылі ў «Альфа-Банку».
Разам з тым анлайн-тэст дазволіць патэнцыяльнаму пазычальніку больш рэальна ацаніць свае магчымасці і набыць упэўненасць у сваіх сілах.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары