Блок дэмакратычнага адзінства атрымлівае 99 месцаў у парламенце, а Адзіная сацыялістычная партыя Венесуэлы — 46. Прэзідэнт Мадура прызнаў паразу.
У Венесуэле апазіцыйны Блок дэмакратычнага адзінства перамагае на выбарах у Нацыянальную асамблею (парламент). Пра гэта сведчаць першыя вынікі галасавання, апублікаваныя Нацыянальнай выбарчай радай.
У адпаведнасці з імі, апазіцыя атрымлівае 99 месцаў у парламенце, а Адзіная сацыялістычная партыя Венесуэлы — 46, паведамляюць інфармацыйныя агенцтвы.
У спісы выбаршчыкаў былі ўнесены каля 19,4 млн грамадзян, яўка склала 74,25%.
Такім чынам, палітычныя апаненты чавістаў (паслядоўнікаў нябожчыка прэзідэнта Уга Чавэса) упершыню за 15 гадоў атрымліваюць большасць у найвышэйшым заканадаўчым органе паўднёваамерыканскай краіны, дзе будуць засядаць 167 дэпутатаў.
За гады праўлення Нікаласа Мадуры (спадкаемцы Чавэса) Венесуэла з-за падзення цэнаў на нафту трапіла ў глыбокі эканамічны крызіс. У краіне назіраюцца перабоі з прадуктамі, інфляцыя дасягнула 80%, рост злачыннасці.
Варта адзначыць, што на выбарах у Венесуэле галасы лічылі нават пры Чавэсу. У краіне захоўваюцца таксама рэальныя мясцовыя выбары, працуюць абраныя губернатары і мэры ад апазіцыі, а ў парламенце заўжды была апазіцыя. Існуюць і незалежныя тэлеканалы.
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары