У дачыненні да шэрагу еўрапейскіх палітыкаў распачатыя крымінальныя справы з-за візітаў у акупаваны Крым. Пра гэта заявіў міністр замежных спраў Украіны Павел Клімкін падчас публічнай справаздачы, перадае «112 Украіна».
«Па прадстаўленні МЗС кампетэнтнымі органамі Украіны распачатыя крымінальныя справы ў дачыненні да некаторых еўрапейскіх палітыкаў, якія парушылі парадак уезду на акупаваную тэрыторыю», — сказаў ён.
23-24 ліпеня Крым наведала група французскіх парламентарыяў на чале з сустаршынёй арганізацыі «Франка-расійскі дыялог» Цьеры Марыяні. Свой візіт яны не ўзгаднілі з Украінай, а МЗС Францыі выступіў супраць паездкі.
У МЗС Украіны асудзілі паездку групы французскіх дэпутатаў у акупаваны Крым і адзначылі, што ўкраінскі бок у далейшым можа забараніць уезд на тэрыторыю краіны тым дэпутатам, якія наведаюць паўвостраў. У Еўрапейскім парламенце таксама асудзілі візіт французскіх прадстаўнікоў.
Акрамя таго, у кастрычніку ў акупаваны Крым прыбыла дэлегацыя сербскіх палітыкаў.
-
Джэй Дзі Вэнс: Трамп не бачыць ніякіх прычын, каб эканамічна ізаляваць Расію пасля вайны
-
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны
-
«Заблакуем усё»: у Францыі маштабныя пратэсты, амаль 200 затрыманых і транспартны калапс
Каментары