У Баранавічах прайшоў адзіночны пікет у падтрымку прадпрымальнікаў ФОТАФАКТ
8 студзеня ў Баранавічах грамадскі актывіст Мікалай Чарнавус правёў адзіночны пікет у падтрымку індывідуальных прадпрымальнікаў (ІП).
Акцыя адбылася з 12.00 да 13.00 на пляцоўцы ў старым гарадскім парку культуры і адпачынку, які вызначаны гарвыканкамам у якасці месца для масавых мерапрыемстваў. Чарнавус, які сам з'яўляецца ІП, выйшаў з плакатам, на якім было напісана: «Ты нас душыш. Голад не цётка. Улада крадзе. Казна пустая. «Малайчына». ІП, аб'ядноўвайцеся!» Абышлося без інцыдэнтаў.
Чарнавус нагадаў, што ён падаваў у Баранавіцкі гарвыканкам заяўку на правядзенне пікета на плошчы Леніна 4 студзеня. У пікеце планаваўся ўдзел больш за тысячу чалавек. Акцыя задумвалася з мэтай інфармавання жыхароў горада пра ўказ прэзідэнта № 222, які настолькі ўскладніў умовы дзейнасці ІП з 1 студзеня гэтага года, што яны былі вымушаныя прыпыніць працу.
Аднак гарадскія ўлады не дазволілі праводзіць пікет на падставе закона «Аб масавых мерапрыемствах», згодна з якім арганізатарамі мерапрыемстваў з колькасцю ўдзельнікаў большай за тысячу чалавек могуць выступаць толькі палітычныя партыі, прафесійныя саюзы і некаторыя іншыя арганізацыі.
«Таму я вырашыў правесці адзіночны пікет, не падаючы на яго заяўку, з патрабаваннем адмены ўказа прэзідэнта № 222, — растлумачыў Чарнавус. — З-за гэтага дакумента на рынках нашага горада большая частка прадпрымальнікаў прыпыніла сваю дзейнасць. І яны не будуць працаваць да вырашэння пытання па сутнасці».
-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
-
Качанава абмеркавала са спікерам парламента Азербайжана сітуацыю на Блізкім Усходзе і ўдар па Нахічэвані
-
29‑гадовую мадэль і псіхолага з Гомеля асудзілі за палітыку. Меркавана, за Гаюна
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары