Яны пратэставалі супраць абрання новым прэм'ерам кіраўніка партыі, звязанай з мультымільянерам Плахатнюком. У цэлым новы ўрад праеўрапейскі па сваім складзе.
У Кішынёве прыхільнікі як прарасейскіх партый (сацыялістаў і «нашыстаў»), так і праеўрапейскай грамадзянскай платформы DA штурмуюць будынак парламента, паведамляе Newsmaker. У пратэсце брала ўдзел тысяча чалавек, ім удалося адціснуць няўзброеную паліцыю.
Людзі атачылі будынак і прарвалі некалькі паліцэйскіх кардонаў. Аднак унутры іх таксама сустрэлі паліцэйскія.
Пачаліся бойкі з паліцыяй. Паведамляецца пра выкарыстанне дымавых шашак.
Нагадаем, Малдова засталася без урада 29 кастрычніка мінулага года. Тады быў адпраўлены ў адстаўку кабінет міністраў і віцэ-старшыня Ліберальна-дэмакратычнай партыі (ЛДП) Валерый Стралец, які ўзначальваў яго. Пасля гэтага мітынгі ў Кішынёве праходзілі рэгулярна.
Сёння парламент Малдовы падтрымаў кандыдатуру прадстаўніка Дэмакратычнай партыі Паўла Філіпа на пасаду прэм'ер-міністра краіны.
Катэгарычна супраць Філіпа выступілі фракцыі сацыялістаў Ігара Дадона і камуністаў Уладзіміра Вароніна. Таксама супраць выступіў шэраг ліберал-дэмакратаў і некалькі незалежных дэпутатаў.
Пратэстоўцы, што акружылі парламент, лічаць зацвярджэнне кабінета Філіпа незаконным. Яны патрабуюць роспуску парламента і абвяшчэння датэрміновых выбараў.
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі8
Каментары