Бяспека Астравецкай АЭС, што будуецца на мяжы з Літвой, павінна быць клопатам ўсяго Еўрасаюза, заявіла прэзідэнт Літвы Даля Грыбаўскайце. Яна адзначае, што ЕС павінен вельмі сур'ёзна ацаніць магчымасці і патэнцыйныя інструменты абмежавання імпарту электраэнергіі з гэтай АЭС на рынак Еўрасаюза.
«Усе мы памятаем чарнобыльскую трагедыю. Небяспечныя АЭС, якія не адказваюць міжнародным стандартам бяспекі — пагроза ўсім жыхарам Еўропы. Таму згуртаванымі намаганнямі ЕС і ўсёй міжнароднай грамадскасці мы павінны запатрабаваць, каб Астравецкая АЭС адказвала самым строгім міжнародным стандартам бяспекі, каб была праведзена незалежная і празрыстая ацэнка ўплыву на навакольнае асяроддзе, праведзены ацэнкі рызыкі і бяспекі», — перадаюцца ў прэс-рэлізе прэзідэнцкай адміністрацыі словы Д. Грыбаўскайце, якая сустрэлася ў панядзелак у Вільні з віцэ-прэзідэнтам Еўракамісіі Марашам Шэфчавічам, адказным за пытанні энергетычнага саюза ЕС.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»26
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары