Тэлевядучая ў ЗША адсудзіла $55 млн за тое, што яе здымалі аголенай на схаваную камеру ФОТА
Суд амерыканскага штата Тэнесі прысудзіў тэлевядучай Эрын Эндрус кампенсацыю ў памеры 55 млн даляраў за тое, што яе здымалі аголенай на схавную камеру ў гатэлі горада Нэшвіл.
Прысяжныя вырашылі, што фатограф абавязаны будзе выплаціць ёй 51% ад сумы, а астатнюю частку заплацяць дзве кампаніі, якія валодаюць гасцініцай.
Інцыдэнт адбыўся ў 2008 годзе. Спартыўную каментатарку тэлеканала Fox News зняў праз вочка ўваходных дзвярэй Майкл Дэвід Барэт, які затым выклаў відэа ў інтэрнэт.
Вядучая падала ў суд на Барэта і ўладальнікаў гасцініцы, запатрабаваўшы 75 млн даляраў у якасці кампенсацыі.
Сам Барэт прызнаўся, што таемна здымаў Эндруc на відэа. Паводле яго, прычынай стала прага нажывы. Ён выклаў відэа ў інтэрнэт пасля таго, як сайт пра знакамітасцяў TMZ адмовіўся купляць відэа.
Барэт прызнаў сваю віну ў пераследзе Эндруc, замене вочка ў гасцінічнай дзверы і здымках відэа. Яму прысудзілі 2,5 года турмы.
Каментары