Дырэктар кампаніі Colgate-Palmolive Co. і па сумяшчальніцтве Каралеўскага банка Канады Жао Пэдра Рэйнхард падаў у адстаўку праз два тыдні пасля таго, як яму былі выстаўленыя афіцыйныя абвінавачанні ў захоўванні какаіну. Пра гэта ў пятніцу, 11 сакавіка, паведамляе Bloomberg.
Топ-менеджар пакінуў свой пост у Colgate-Palmolive Co. за месяц да заканчэння тэрміну яго паўнамоцтваў. Пры гэтым, як паведамляе крыніца агенцтва, Рэйнхард не збіраўся захоўваць сваё месца ў складзе новай рады дырэктараў, выбары якой прызначаныя на 6 красавіка.
Першым 10 сакавіка рашэнне аб выключэнні Рэйнхарда са складу рады дырэктараў прыняў Каралеўскі банк Канады, у якім топ-менеджар прапрацаваў з 2000 года.
Каралеўская канадская конная паліцыя прад'явіла абвінавачванне Рэйнхарду ў перавозцы і захоўванні какаіну 23 лютага.
У ліпені 2015 года падобны выпадак адбыўся ў японскай карпарацыі Toyota, топ-мэнэджара якой Джулію Хэмп арыштавалі ў Японіі па падазрэнні ў кантрабандзе наркотыкаў. Супрацоўнікі мытні японскага аэрапорта Нарыта выявілі ў пасылцы на яе імя 57 таблетак моцнага абязбольвальнага прэпарата «Аксікадон», які часта прызначаецца пацыентам з анкалагічнымі захворваннямі. Прэпарат забаронены да ўвозу у Японію з-за ўтрымання наркатычных рэчываў.
Хэмп заявіла, што не ведала пра забарону, а лекі збіралася прымаць з-за хранічных боляў у каленях. Праўда, пазней яна прызналася, што замовіла таблеткі не для сябе. Сумнеў у шчырасці топ-мэнэджара выклікала і ўпакоўка лекаў: таблеткі былі выкладзеныя на дно пасылкі разам з цацачнай біжутэрыяй. Пасля інцыдэнту Хэмп падала ў адстаўку па ўласным жаданні. Пазней ператрусы прайшлі ў штаб-кватэры Toyota.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары